Ինչպես «ստիպել» երազանքներին, որ իրականանան

Երազանքի իրականացման առաջին նախապայմանը որևէ բան ի սրտե և շատ ուժեղ ցանկանալն է: Այս դեպքում ցանկությունը ձեռք է բերում բավականաչափ էներգիա` իրականանալու համար:  Պատկերացրու երազանքիդ իրականացումը բոլոր մանրուքներով և հաճախ մտքում պտտիր այդ պատկերացումը:

Հաղթում է նա, ով ռիսկի է դիմում: Ճիշտ է, ինչքան մեծ է խաղադրույքը, այնքան վտանգավոր է անորոշությունը: Բայց մյուս կողմից էլ, ռիսկի չդիմելով՝ այդպես էլ մեծ կյանքի ճանապարհ դուրս չեք գա:

Խնդրի լուծմանը վերաբերվեք ինչպես հետաքրքիր խաղի: Երբեմն երազանքի իրականացումն այնքան կարևոր է ձեզ համար, որ դուք ուրիշ ոչնչի մասին մտածել չեք կարողանում: Այս ժամանակ հենց ի հայտ են գալիս լարվածությունը, վախը: Ինչքան շատ ենք վախենում դրա իրականացման համար, այնքան մեծանում է հավանականությունը, որ այն իսկապես չի իրականանա:

Պարզ և կտրուկ ձևակերպեք ձեր որոշումը: Չի կարելի երազել «չլինել գեր», պետք է ասել. «Ուզում եմ գեղեցիկ կառուցվածք ունենալ»: Չի կարելի պարզապես երազել ամուսնանալ: Իսկ եթե ամուսնությունն անհաջո՞ղ լինի: Պետք է ձևակերպել, ասենք, այսպես. «Ոզում եմ խելացի, երիտասարդ, գեղեցիկ տղամարդու, ով կսիրի ինձ ամբողջ կյանքում»:  Իսկ եթե ուզում եք հարստանալ, կողմնորոշվեք, թե որքան գումարը կբավականացնի ձեզ:

Որոշեք երազանքի իրականացման ստույգ ժամկետը:  Դա կօգնի ձեզ ուղղորդել ուժերը ճիշտ նպատակին հասնելու համար:

Փորձը ցույց է տալիս, որ հաջողության են հասնում առաջին հերթին ոչ թե շատ խելացիները, այլ նրանք, ովքեր համառ են իրենց ցանկություններում և վստահում են սեփական ուժերին:

Հարցեր, պատասխաններ, մեկնաբանություններ